Hargeysa (Caasimada Online) ― Xukuumada Somaliland ee uu hogaamiyo Madaxweyne Muuse Biixi ayaa maanta shaqo joojin ku sameysay saddex qareen oo ka howl-gala magaalada Hargeysa.
Dr. Cali Suudi Diiriye, Guddoomiyaha rafcaanka ee gobolka Marood-jeex ayaa wareegto uu soo saaray maanta waxa uu shaqadii qareenimo ka hakiyay saddex looyar oo dhowaan warbaahinta ka sheegay cadaalada darada baahsan ee ka jirta Maxkamadaha Somaliland.
Saddexdan looyar ee shaqada laga joojiyey ayaa waxay kala yihiin: Cabdirisaaq Ismaaciil Xasan, Daahir Maxamed Faarax iyo Maxamed Cali Careef, kuwaasi oo guddoomiyuhu ku eedeyay inay Maxkamadaha ka faafiyeen warar been abuura oo borobagaando ah.
Wareegtada uu gudoomiyuhu shaqada kaga joojinayey ayaa waxa kale oo lagu sheegay in saddexdaasi looyar aysan ku shaqeyn karin mihnadoodii qareenimo ee ay kaga howl-gali jireen Maxkamada Somaliland.
Hoose ka aqriso wareegtada uu soo saaray Guddoomiyaha rafcaanka ee gobolka Marood-jeex
