Wanshinton (Caasimada Online) Lixdan iyo toddobo suxufi ayaa la dilay sannadkan sii dhammaanaya 2012-ka, waa mid ka mid ah warbixinadii ugu naxdinta lahaa uu soo saaro guddiga difaaca suxufiyiinta ee magaciisa loo soo gaabiyo CPJ.
Tani waa mid ka badan 42%, marka loo eego dhimashada suxufiyiinta sidaas ayaa lagu sheegay warbixinta sannadlaha ee CPJ.
CPJ waxa kaloo ay ku eedeesay in tiro badan oo waryaal ah lagu dilay dagaalada ka socda Sryia, qalalaasaha weli ka taagan Soomaaliya oo wariyaal badan ay ku baxeen iyo Pakistan oo ay wariyaasha lagu dilo.
Warbixinta sannadkanCPJ’waxa ka muuqda waxyaabo naxdin leh,waayo wariyaasha la dilay ayaa aad u badan,
Dalka Pakistan sannadihii 2010 iyo 2011-ka wuxuu ahaa dal wariyaasha ugu badan adduunka lagu dilo, laakin hadda tirade la dilay waa ay yer yihiin oo sannadkan illaa 7-Jountalis ayaa lagu dilay.
Afar ka mid ah waxa lagu dilay deeganka Balochistan.
CPJ baaritaan ay sameesay, waxa ay ku ogaatay in 67-da wariye ee la dilay sannadkan dilkooda uu la xiriiro shaqadooda, waana tiradii ugu badneed tan iyo markii uu guddiga CPJ blaabay in uu diiwangaliyo dhibaateenta wariyaasha.
Dalka Sryia 28-suxufi ayaa lagu dilay sannadkan, 13-ka mid ah waxa ay u dhasheen dalkaas.
Dalka Soomaaliya oo ku yaalla geeska Africa, waa dalka ugu horreeya Africa ee lagu dilay sannadkan wariyaasha, illaa 18-suxufi ayaa lagu dilay, ma jirto cid loo soo qabtay dilkooda ama xittaa sheegtay.
Dalka hadda waxa ka dhisan dowlad rasmi ah, laakin weli awood uma lahan in ay difaacdo wariyaasha ka shaqeeya dalka.
Waxa kaloo jira kuwa badan oo ka tagay dalka, kuwaasoo u aaday waddamada dariska halkaasoo ay qoxooti ku yihiin.
Caasimada Online
Xafiiska Wararka Nairobi
