Muqdisho (Caasimada Online) – Ciidamada Booliska dalka Sacuudiga ayaa gaari jiirsiiyay Muwaadin Soomaaliyeed oo lagu magacaabo C/raxmaan Sheekh Cumar M.Cabdullahi.
Ciidamada ayaa falka kadib Xabsi u taxaabay muwaadinkaani oo dhaawac ah, waxaana la sheegay inay ka burburiyeen qeybaha danbe ee jirka.
Muwaadinkaani oo falka kadib kasoo muuqday muuqaal laga duubay ayaa sheegay in lagu abaalmariyay daawooyin aan tayo laheyn isla markaan la dayacay ka warqabkiisa Caafimaad.
C/raxmaan Sheekh Cumar M.Cabdullahi, ayaa sheegay inuu ka burburay lafta dhabarka iyo luga waxa uuna cadeeyay in Safaarada Somalia ee Sacuudig ay iska indha tirtay is garabtaagiisa, sida uu hadalka u dhigay.
C/raxmaan Sheekh Cumar M.Cabdullahi, waxa uu sheegay in lagu inkiray xuquuqda uu ku lahaa dowlada Sacuudiga ee dhan Caafimaad iyo mid daryeelba ah.