Jowhar (Caasimada Online)-Hoggaamiyaha Maamulka Hir-Shabeelle Maxamed Cabdi Waare ayaa dib u habeyn ku sameeyay Garsoorka Gobolka Shabeelaha Dhexe.
Hoggaamiyaha ayaa wareegto kasoo baxday Xafiiskiisa ku Magacaabey Guddoomiyeyaal Maxkamadeed iyo ku xigeenadooda kadib markii uu sameeyay la tashiyo ku aadan magacaabidooda.
Wareegtada ayaa waxaa lagu magacaabay Guddoomiyeyaasha Maxakamadda Gobolka Shabeellaha Dhexe iyo tan Racfaanka maamulka kuwaa la wareegi doona howsha maxkamadaha maamulka.
Hoggaamiyaha ayaa sidoo kale wareegtadiisa ku Magacaabey Guddoomiyaha Maxkamada Racfaanka Magalada Jowhar iyo ku-xigeenadiisa.
