Faah faahino ayaa ka soo baxaya dab qasaaro gaystay oo ka kacay degmada Afgooye ee Gobolka Shabeelaha hoose gaar ahaan halka loo yaqaan Koontroolka Baar Cismaaciil lagu magacaabo.
Waxaa la sheegay Sida ay noo soo Warinayaan dadka reer Afgooye in koranto uu kakacay dabka kaas oo qabsaday goob ganacsi ah oo ku dhawayd halka Korantada ay ka kacday.
Laakiin dadka deegaanka ayaa daqiiqado kadib waxay ku guuleysteen in la damiyo dabkaasi waxaana jira hanti aan la ogeyn intay gaarsiisan tahay oo dabka uu baabi’iyey.
C/llaahi iideey oo ah Gudoomiyaha degmada Afgooye oo la hadlay saxaafada ayaa sheegay in ciidamada dawlada ee kusugan degmadaasi ay ka qeyb qaateen ugurmashada dadkii saameyey dabkaasi.
Maamulka Gobolla Shabeelaha hoose ayaa ugu tacsiyeeyay dadkii ku ceyrtoobay dabkii xalay ka kacay afgooye taasi oo iminka laga dareemayo raad reeb dabkii halkaasi ka kacay.
