Dhuusomareeb (Caasimada Online) Cabdi Cali Fiidow, Gudoomiyaha Golaha Fulinta Ahlusuna ayaa sheegay in ciidamo ka socda AMISOM ay soo gaarayaan deegaanada Galgaduud, si ay tababaro u siiyaan ciidamada dowladda ee ku sugan Gobolka.
Wuxuu sheegay inuu dhankiisa soo dhoweynayo in dowladda Soomaaliya la ay wareegto Maamulka Galgaduud, isagoo sheegay inuu ka mid ahaa dadkii ka shaqeeyey in Maamul dowladeed uu soo gaaro gobolka Sida uu sheegay.
Arintan waxay ka dambeysay Ka gadaal markii Dowlada Soomaaliya ay shalay si rasmi ah ula wareegtay ciidamada Maamulka ururka ahlu sunna ee gobolada dhexe ee dalka Soomaaliya , kuwaas oo si rasmi ah uga mid noqday ciidamada dowlada Soomaaliya.
Ciidamada ka tirsan AMISOM ee la geynayo gobolka Galgaduud ayaa ah sida la sheegay Saraakiil macalimiin ah kuiwaas oo tababaro siin doona ciidamada dowlada Soomaaliya ee gobolkaas , si tayada ciidamada sare loogu qaado.
Wararka waxay sheegayaan in ciidamada dowlada Soomaaliya la dajin doono Xeradii qeybta 21aad ee degmada Dhuusa Mareeb, halkaasoo saldhig u noqon doona ciidamada dowladda ee ku sugan Gobolada Dhexe.
Dhanka kale wafdi uu hogaaminayo guddomiyaha cusub ee gobolka Galagaduud, Xuseen Cali wehliye Cirfo, iyo xubno ka socda ahlu sunna waljamaaca ayaa gaaray Degmooyin iyo deegaano ay ka mid yihiin Degmada Caabud waaq iyo sidoo kale degmada Xirale ee gobolkas .
Ahlu Sunna ayaa iminka dhexdooda waxaa ka muuqanya inuu kajiro Khilaaf Xoogan oo u dhexeeya hogaanka Maamulkaas , kaasi oo salka ku hayan maamulka cusub ee dowlada ay u soo magacaawday gobolka Galgaduud.
Halkaan ka dhageyso Sheekh Cabdi Cli Fiidoow
Caasimada online
Xafiiska dhuusomareeb
Caasimada@live.com
