Muqdisho (Caasimada Online) – Wasiirka Arimaha gudaha iyo Amniga Qaranka C/Kariin Xuseen Guuleed, ayaa ka hadlay xaaladda ammaan ee magaalada Muqdisho ee caasimada Somalia iyo qorshaha dowladda ee ku aadan sugida amnigeeda.
Cabdi Kariim, ayaa wacad ku maray in Ammaanka maagaalada Muqdisho ay wax badan ka qaban doonaan.
Qorshaha Xukuumada Soomaaliya ee ku aadan howlaha Amaanka Muqdisho, ayaa wasiirku waxa uu sheegay inuu yahay mid la dejiyay oo is-beddel weyn sameyn doona.
C/Kariin Xuseen Guuleed, ayaa sheegay in Muqdisho loo samaynayo Ciidamo gaar ah oo amaankeeda suga, soona celiya nabad galyadii hore oo ay la hayd caasimada.
Wasiirka waxaa uu u digay dadka Sharciga aan hubka ku wadin inaan lagu arki karin gudaha magaalada ama aan ahayn qof ka madax banaan dowlada.
Amaanka Caasimada Soomaaliya, ayaa soo hagaagayay dhowaanahan, laakiin waxaa jiro kooxo maleeshiyaad ah oo hub isaga dhex wata magalaada.
Caasimada Online
Xafiiska Wararka Muqdisho
