Wasiiro ka tirsan Kukuumadii C.Gaas oo ka shiray khilaafka madaxda dalka

Kulanka oo ka dhacay Hoteelka Jazeera ee Magaalada Muqdisho ayaa xubnaha isugu yimid, waxa ay ka hadleen marxalada haatan dalka uu marayo, iyaga oo gaba-gabada kulankooda soo saaray qodobo dhowr ah.

Waxaa shirguddoominaye kulanka Wasiirkii hore ee warfaafinta C/qaadir Jahweyn iyadoo xubnaha kale ee wasiirada soo ahaan jiray ay madasha shirka ku sugnaayeen.Arimaha ugu waaweyn ee xubnahan ay ka hadleen ayaa waxaa kamid ahaa Khilaafka Ra’iiisul Wasaaraha Soomaaliya iyo Madaxweynaha udhaxeeyo iyo saameynta dalka uu ku yeelanayo.Qodobada ay soo saareen waxaa kamid ah:

1. Inay aad ugu xun yihiin khilaafaadka ka dhextaagan madaxda ugu saraysa dowlada gaar ahaan Madaxwaynaha iyo Raysal wasaaraha.

2. In si deg dega loo xaliyo khilaafaadka jira horeyna loo socdo, mudnaanta xalinta khilaafaadkana waxa iska leh madaxda sare ee dalka si gaar ah, iyo Baarlamaanka Federaalka Soomaaliya.

3. In guddi 7-qof ka kooban laga soo xulay xubnaha Badbaado kuwaasi oo si deg dega ula kulmi doona Madaxwayanaha.

Soomaaliya ayaa si aad ah looga hadal haaya Khilaafaadka ka dhextaagan Madaxweynaha dalka iyo Ra’iisul Wasaaraha.