Weerar lagu qaaday hoyga xildhibaan ka tirsan BF oo ku yaalla Muqdisho

By Asad Cabdullahi Mataan

Muqdisho (Caasimada Online) – War goordhow nasoo gaaray ayaa sheegaya in weerar Bambaano lagu qaaday hooyga uu magaalada Muqdisho ka degan yahay Xildhibaan Macalin Cali Aadan Cadoow.

Xildhibaanka la weeraray ayaa degnaa Xaafada Taleex ee Degmada Hodan ee Magaaladda Muqdisho, waxaana la sheegayaa in Hooygiisa lagu weeraray ilaa laba Bam.

Maleeshiyaadka weerarka Bambaano geystay ayaa la sheegay inay la socdeen Moto Bajaaj, waxa ayna weerarka kadib ka baxsadeen goobta.

Weerarka ayaa waxaa ka dhashay Khasaaro dhaawac u badnaa oo soo gaaray dad ku sugnaa Hooyga Xildhibaanka.

Magaalada Muqdisho ayaa Seddexdii bil ee ugu danbeysay marti galineysay Qaraxyo, Dilal iyo weeraro lagu qaadaayay Mas’uuliyiin iyo Dad shacab ah.

Caasimada Online
Xafiiska Muqdisho
Caasimada@live.com