Sawirro: Sidee ayuu Kheyre u qaabilay Ndumiso Ntshinga iyo madaxdii la socotay

Muqdisho (Caasimada Online) – Ra’isul wasaaraha Xukuumada Somalia Xasan Cali Kheyr ayaa xafiiskiisa ku qaabilay Wafdi ka socda Midowga Afrika oo booqasho gaaban ku imaaday magaalada Muqdisho.

Wafdiga uu qaabilay Ra’isul wasaaraha ayaa waxaa Hogaaminaayay Madaxa ammaanka Midowga Afrika Danjire Ndumiso Ntshinga, waxa ayna kawada hadleen xaalada guud ee Somalia, gaar ahaan Amniga iyo Xasiloonida magaalada Muqdisho.

Ra’isul wasaaraha Xukuumada Somalia Xasan Kheyre ayaa aad u amaanay howlaha ay hayaan Milowga Africa, waxa uuna bogaadiyay howlahooda shaqe ay u joogan magaalada Muqdisho.

Booqashada uu wafdigan ku yimid magaalada Muqdisho ayaa qaadan doonta muddo Sadex maalmood ah, waxaana lagu wadaa inay la kulmaan Mas’uuliyiin kale oo ka tirsan DFS, gaar ahaan Hay’adaha amaanka.

Waxaa kamid noqon doona howlaha ay Wafdigaani qaban doonaan mudada ay ku sugan yihiin magaalada Muqdisho booqashada Xarumaha Ciidamada AMISOM ee ku yaalla magaalada Muqdisho iyo Gobolada dalka.