Arrin cusub: Ethiopia oo garoon diyaaradeed ka dhiseysa Somalia (Xagee?)

By Asad Cabdullahi Mataan

Garoowe (Caasimada Online) – Hogaamiyaha maamulka Puntland C/wali Gaas ayaa shaaca ka qaaday in Dowlada Ethiopia ay dhiseyso Garoon iyo waddooyin ku yaalla deegaanada Puntland.

Gaas ayaa sheegay in Dowlada Ethiopia ay kula heshiiyeen dhismaha Garoonka diyaaradaha magaalada Gaalkacyo.

Gaas waxa uu tilmaamay in mashruuca labaad ee Ethiopia uu noqon doono dhismaha waddo laami ah oo isku xireysa Garoowe iyo Eyl.

Cabdiweli wuxuu sheegay labadan mashruc inay billaabanayaan bisha May ee sanadkan, waxa uuna sidoo kale ka gaabsaday baahida keentay in Ethiopia ay markii ugu horeysay sameyso dhismo Garoon.

Dhismaha Garoonka diyaaradaha magaalada Gaalkacyo iyo Wadada isku xireysa Garoowe iyo Eyl, ayuu sheegay in looga danbeyn doono Dowlada Ethiopia.

Dhinaca kale, Gaas ma usan sheegin haddii ay jirto wax kale oo mashaaricdan ay ku badalaneyso xukuumadda Addis Ababa.

Ethiopia horey loogama baran mashaaricda horumarinta ah, waxayna noqon doonan haddii la hirgeliyo kuwii ugu horreeyay.

Caasimada Online
Xafiiska Garoowe
Caasimada@live.com