Xog- Warran: Akhriso magacyada siyaasiyiin Magac leh oo kasoo muuqan doono wasiirada Kheyre

Muqdisho (Caasimada Online) – Xog hoose oo hadda soo gaartay caasimadda Online ayaa xaqiijinayo shaqsiyaad la filayo inay dhawaan kasoo muuqdaan golaha wasiirada cusub ee uu ku dhawaaqayo asbuucaan Ra’isulwasaaraha Soomaaliya Xasan Cali Kheyre.

Waxaa la sheegayaa inay halkaas kasoo muuqan doonaa shaqsiyaad caan ah oo weliba xilal kasoo qabtay xukuumadii Tayo ee uu hoggaanka u hayey Maxamed Cabdullaahi Farmaajo oo aheyd halkii uu taageerada shacabka kasoo kasbaday.

Cabdixakiim Maxamuud Fiqi – Wasiirkii hore ee gaashaandhigga

Maxamed Muqtaar – Wasiir xukuumadii ugu danbeysay

Cabduqaadir Xaaji Maxamed (Dhaqane) – Wasiir dowladii KMG ahayd

Cabdinuur Xaaji Maxamed – Wasiirkii hore ee Waxbarashada

Yusra Abraar – Guddoomiyihii hore ee Bankiga Dhexe

Cabdiraxman Ducaale Beyle – Wasiirkii hore ee Arrimaha dibadda

Cali Xaaji Warsame – Musharax Madaxweyne

Maryan Qaasim – Wasiirkii hore ee Caafimaadka iyo Arrimaha Bulshada

Sidoo kale wararka ayaa xaqiijinayo in liiska lagu arki doono shaqsiyaad aan horey uga soo muuqan siyaasadda dalka kuwaas oo saaxiib dhaw la ah Ra’isulwasaaraha iyo madaxweynaha Soomaaliya

Caasimada Online
Xafiiska Muqdisho
caasimada@live.com