Labo ruux oo shacab xoola dhaqata ah ayaa maanta waxaa kooxo hubaysan ay ku dileen degmada Gelinsoor ee gobolka galgaduud.
Dilka labada ruux ayaa waxaa fuliyay shan qof oo ku hubaysnaa bistoolada iyo qoryo marka ay dilka fuliyaana goobta ka baxsaday ,waxaana xaalada kacsanaan ay ka jirtaa gudaha degmada.
Goobaha ganacsiga ee degmada Gelinsoor ayaa wada xeran waxaana ay dadka ay ka baqayaan in dilkaan uu saamayn dhinacooda ku yeesho maadama laysku dilayo anooyin qabiil.
Degmada Galinsoor waa mid kamid ah degmooyinka gobolka Galgaduud ee ay ku soo noq noqdeen dagaalo beeleedka waxaana inta ay socdeen dagaaladaas naftooda ku waayay dad badan oo ay ku jiraan kuwa maanta la dilay.
