Muqdisho (Caasimada Online) – Waxaa socda qorsho dowladda federaalka Somalia, ciidamo ugu direyso dalka Yeman, qorshahaasi oo qeyb ka ahaa heshiis ay horey u wada-galeen dalalka Soomaaliya iyo Sacuudiga.
Inta ay socoto diyaarinta ciidamada loo dirayo ayaa waxaa la filayaa in maalmaha soo socda magaalada Riyaad ay booqdaan tiradii ugu badneyd ee Wasiiro ka socda xukuumadda Somalia, safarkaasi oo qeyb ka ah qorshaha ciidamada loogu diraayo Yeman.
Ciidamadaan ka socda dowladda Somalia ee loo dirayo dalka Yeman ayaa waxay qeyb ka noqon doonaan isbaheysiga Sacuudiga uu hoggaamiye ee dagaalka kula jira kooxaha Xuutiyiinta Yeman.
Booqashadii Madaxweyne Farmaajo ee Riyaad ayaa heshiisyadii uu lasoo galay Sacuudiga waxaa ugu horeeyay in Sacuudiga Somalia ugu deeqo Afar Bilyan oo dollar, taasoo qeyb ka mid ah lagu kabi doono miisaaniyada dowladda, fulinta mashaariic kala duwan, dhismaha garoomo diyaaradeed iyo arrimo kale, taas badalkeedka Dowladda Somalia waxay Yeman u direysaa ciidamo xooggan oo qeyb ka noqda isbaheysiga Sacuudiga Hoggaamiyo.
Dowladdii uu hoggaaminayay madaxweyne Xasan Sheekh, ayaa Sacuudiga iyo Imaaraadka ka dalbadeen in ciidamo ku taageeraan howlgalka Sacuudiga Hoggaamiye ee xuutiyaanka ka dhanka ah, hase ahaatee dowladdii Xasan Sheekh arrintaasi wey ka gaabisay, iyadoo ka meermeertay ciidamo ay u dirty Yeman, kadibna waqtiga uu ka dhammaaday.
Caasimada Online
Xafiiska Muqdisho
caasimada@live.com
