Muqdisho (Caasimada online) Xildhibaan Proff: Maxamed Cumar Dhalxa oo ka mid ah mudanayasha baarlamaanka Somalia kuna sugan iminka magaalada Brussles ayaa wuxuu ka warbixiyay Shirar uu uga qeyb galay dalalka Britain, iyo Belgium-ka .
Xildhibaanka oo ka mid ah mudanayaal baarlamanka Soomaaliya ka tirsan kana qeyb galaya shir ka dhacaya magaalada Brussles wuxuu sheegay in shirkaasi looga hadlay khatarta Miinooyinka iyo dhibaatada ay haraadiga walxaha qarxa ku hayaan qaarada Africa.
Dhalxa ayaa sidoo kale sheegay in Shirkii Brussles looga hadlay sidii wax looga qaban lahaa miinooyinka daadsan qaarada Afrika, oo la sheegay in guud ahaan Africa ay dhibaato ba’an ku hayaan
Shirkii London uu uga qeyb galay ayuu shaaca ka qaaday in uu ku saabsanaa horumarinta dhaqaalaha dunida Muslimka , waxaana uu tilmaamay inay ka qeybgaleen 21 dal.
Ra’isal wasaaraha Britain, ayuu shaaciyay inuu shirkaasi furay isagoona tilmaamay in arimihii shirkaasi looga hadlayay ay soo dhaweeyeen dhamaanw adamadii ka qeyb galay si guul ahna uu kusoo dhmaaday .
Xildhibaan Maxamed Cumar Dhalxa ayaa sheegay in marka ay dalka dib ugu soo laabtaan ay baarlamanka siin doonaan xog buuxda oo ku saabsan shirarkii ay uga soo qeyb galeenLondon iyo Brussles iyo waxyaabihii ka soo baxay.
Caasimada online
Xafiiska Muqdisho
Caasimada@live.com