Afgooye (Caasimada Online) Wararka ka imaanaya gobalka Shabeellaha Hoose, ayaa sheegaya in halkaas maanta uu markale ka dhacay dagaal u dhexeeya maleeshiyo beeleed ka soo kala jeeda Biyamaal iyo Habar-gidir.
Dagaalka ayaa la sheegay in uu ka dhacay deeganka Lambar 50 oo maalmahan ay isku hor fadhiyeen labadaas dhinac.
Goobjooge ku sugan N50 ayaa warbaahinta u sheegay in uu arkay ciidamo wata gaadidka dagaalka oo gudaha u soo galaya magaalada dabadeedna billaabay in ay gubaan guriyihii ku yiilay deegankaas.
Xaaladda magaalada ayaa ah weli mid kacsan iyadoo ciidankii horrey u joogay lambar 50 laga saaray halkaas.
Waxaa deeganka ka socda qax, dadka ayaa la baxsanaya naftooda iyo wixii hanti ah oo ay qaadan karaan.
Caasimada Online
Xafiiska Wararka Muqdisho