Muqdisho (Caasimada Online) –Â Ra’iisul wasaaraha Soomaaliya Xasan Cali Kheyre ayaa seddex Sharuudood ku xiray in shaqaalaha dowladda ay ku heli karaan mushaaraadka ay xaqa u leeyihiin.
Seddexda sharuud ayuu sheegay inay muhiim tahay inay kasoo baxaan kuwaasi oo saxi doono qaladaad badan oo ka dhex jiray hay’adaha kala duwan ee dalka Soomaaliya, sida uu hadalka u dhigay.
Wuxuu ugu horeyn sheegay in shaqaalaha dowladda looga baahan yahay inay:-
1 Soo sheegeen shaqsiyaadka aan dowladda kamid aheyn ee qaadanaya mushaaraadka dowladda, isagoo sheegay in shaqsi aan dowladda u shaqeyn inuusan mushaar qaadan doonin.
2 Inay iyaga ka shaqeeyaan ka hortaga Musuq maasuqa, taasi oo uu sheegay inay yareyn doonto lacaga dowladda ee sida qaldan lagu bixin jiray.
3 wax ka badalaan dhaqanka shaqada oo ah inay xili hore tagaan xafiisyada shaqada iyaga oo niyad wanaagsan leh, wuxuuna sheegay in seddexdaasi haddii ay la yimaadaan shaqaalaha dowladda inay mushaaraadkooda joogto u heli doonaan.
Ugu dambeyn wuxuu sheegay muddada kobneyd ee uu xafiiska joogay inuu wax badan ka badalay mushaar bixinta, islamarkaana shaqaalaha dowladda ay heleen mushaaraadka afar bilood oo ka maqnaa.
Hadalkaan wuxuu ka jeediyay munaasabad lagu xusayay maalinta shaqaalaha adduunka oo ka dhacday magaalada Muqdisho.