Muqdisho (Caasimada Online) – Ra’isulwasaaraha Soomaaliya Xasan Cali Kheyre ayaa beesha Caalamka ugu faanay hal arrin oo farxad gelisay sida uu kusoo qoray bartiisa Twitterka.
Xasan Cali Khaiye, oo ka qeyb-galay shirka Urur Gobolleedka IGAD, ayaa bartiisa Twitter ka kusoo qoray in caalamka uu u sheegay in nabad iyo hor-usocod uu ka jiro dalka Soomaaliya.
“Waxan bulshada caalamka u sheegay In Soomaaliya ay kujirto xaalad horusocod iyo abuurista Nabad iyo si loo helo Nolol”.
Mudane Xasan, ayaa markiisii ugu horreysay sanadkan ka qeyb-galay shir weynaha Urur-Gobolleed-ka IGAD ee ka furmay magaalladda Addis Ababa ee caasimada dalka Itoobiya.
Sidoo kale Ra’iisul wasaaraha, ayaa magaalladda Addis Ababa kula kulmay Guddoomiyaha Urur gobolleedka IGAD ahna Ra’iisul wasaaraha dalka Itoobiya Hailemariam Desalegn, waxaana ay ka wada hadleen arrimo badan oo ay kamid ahaayeen xaaladda dalka Soomaaliya.
Ra’isulwasaaraha Soomaaliya ayaa kaalin weyn oo muuqato ka qaatay shirka IGAD ee lagu soo gabagabeeyey dalka Itoobiya.