Kismaayo (Caasimada online) Madaxweynaha Somaia iyo Wafdi uu hogaaminayo ayaa gaaray Magaalada Kismaayo ee Xarunta gobolka Jubbada Hoose, halkaas oo si diiran loogu soo dhaweeyay.
Socdaalka Madaxweynaha ee Kismaayo, waxaa ku wehliyay Wasiirka Arimaha Gudaha iyo Amniga Qaranka Xukuumad Somalia, iyagoona si Nabad ah ku tagay Garoonka Kismaayo.
Mas’uuliyiin ka Tirsan Maamulka Jubba, AMISOM, iyo shacab badan ayaa ku sii sugnaa Garoonka Diyaarahada Kismaayo kuwaas oo ka qeyb qaadanaya Soo dhaweynta Madaxweynaha Somalia.
Wafiga Madaxweynaha ayaa iminka ku sugan Xarunta Madaxtooyada Kismaayo, waxaana Afhayeenka Madaxtooyada uu sheegay inuu Socdaalka madaxweynha uu qeyb ka yahay heshiiska dowlada iyo Maamulka Jubba .
Hogaamiyaha Maamulka Jubba Axmed Maxamed Islaam Axmed Maddoobe ayaa dhankiisa dheegay inay farxad u tahay in Madaxweynaha Somalia ay Kismaayo kusoo dhaweeyaan.
Madaxweynaha oo Dhow jeer ka baaqday Safar uu ku tagi lahaa Kismaayo isagoona ugu dambeyn maanta gaaray halkaasi, waxaana lagu wada ainuu kulan la qaato Mas’uuliyiinta Maamulkaas si arimaha labada dhinac ay kaga munaaqashoodaan .
Waa markii ugu horeeysay oo uu madaxweyne Xasan Sheekh tago Kismaayo Tan iyo Markii xilka madaxweynenimo loo doortay.
Isgaarsiinta ayaa hawada laga saaray , taas oo ay dadka qaar ay ku sifeynayaan inay inay qeyb ka tahay sugidda dhanka amniga inkastoo wararka qaar ay sheegayaan in iminka ay dib usoo laabatay
Caasimada online
Xafiiska Kismaayo