Kismaayo (Caasimada online) Cornel: Maxamed Buule oo ka mid ah Saraakiisha ciidamada dowlada Somalia ee ku sugan duleedka magaalada Kimaayo ee xarunta gobolka Jubbada Hoose ayaaa sheegay inay suuro gal aheyn inay isku dhiibaan Maamulka Jubba ee Axmed Madooe uu hogaamiyo.
Wuxuu sheegay inuusan waxba ka gelin heshiis Muqdisho lagu kala saxiixday balse ay quseyso isaga arimaha ciidanka jooga duleedka Kismaayo sida uu shaaca ka qaaday .
Cornel: Buule, wuxuu sheegay in loo baahan yahay in Ciidamada Maamulka Jubba ee Kismaayo ku sugan inay isku soo dhiibaan ciidamada dowlada Somalia si buu yiri maskaxdooda looga masaxo qabiil iyo qabyaalad.
” Qofkii yiri Ciidamada dowlada ha isku dhiibaan kuwa Raaskambooni waa qof dambiile ah oo mudan in dambigiia lagu qaado lana tuso ciqaab adag ” ayuu yiri Cornel Buule.
Dowlada Somalia iyo Maamulka Jubba ayaa dhowaan shir Muddo Seddex maalin ah socday ku heshiiyay in ciidamada dowlada Somalia ee Duleedka Kismaayo ku sugan iyo Kuwa Maamulka Jubba in la isku daro lagana dhigo kuwo mideysan lana qarameeyo .
Caasimada online
Xafiiska Kismaayo