San’a (Caasimada Online) Magaalada San’a ee xarunta dalka Yemen waxaa ku soo dhammaaday shir looga hadlaayay qoxootiga Soomaalida ay ka mid yihiin ee buux dhaafiyay dalkaas.
Shirka oo ay ka qaybgaleen inta badan waddamada Khaliijka .dhowr waddan oo ku yaalla Geeska Afrika iyo Qaramada Midoobay ayaa waxaa looga hadlay sida ugu haboon ee iyagoo aan la qasbin qoxootiga ay dib ugu laaban lahaayeen waddamadooda.
Hay’adda QM u qaabilsan Qaxootiga ee UNHCR ayaa sheegtay in qaxtootiga Soomaalida ee ku nool Yemen ay ka fikirayaan inay dalkoodii dib ugu noqdaan sababo ay ugu wacan tahay amni-darrada ka jirta dalka Yemen oo sii xumaanaysa.
Shirka waxaa laga soo saaray dhowr qoddobo waxaa ka mid ah:
1-Dowladdaha Somalia, Yemen iyo UNHCR in ka baaraan daggaan sida ugu haboon ee qoxootiga Soomaalida dib loogu celin karo waddankooda.
2- In aan la qasbin qoxootiga isla markaana dadka doonaya in ay dib u laabtaan in la siiyo wax kasta oo u fududeenaya in ay dib ugu laabtaan dalkooda.
3- In Yemen laga gacan siiyo siddii loo yareen qoxootiga faraha badan ee ka soo gudba gacanka carabta, iyadoo loo marayo qawaaniinta caalamniga.
Si kastaba, waxaa muuqata in dowladda Soomaaliya ay hadda dooneyso in ay dib u soo celiyo qoxootiga Soomaalida ee ku nool caalamka sida Kenya iyo Yemen oo ay ku nool yihiin qoxooti fara badan kuwaasoo dalka isaga cararay intii ay socdeen dagaaladii sokeeye 21-kii sanno ee la soo dhaafay.
Caasimada Online
Xafiiska Wararka San’a |Yemen