Muqdisho (Caasimada Online) Mudanayaasha baarlamaanka Soomaaliya ayaa maanta oo Axad ah waxa loo qaybin doonaa mooshin ka dhan ah Raysal Wasaaraha xukuumadda Soomaaliya, kaasoo loo gudbiyay guddoonka baarlamaanka.
Fadhigga baarlamaanka ayaa maanta looga hadi doonaa labo qoddob oo kala ah horrumarinta Baanka Soomaaliya iyo mooshinka ka dhanka ah RW.
Fadhigga maanta waxaa guddoomin doona guddoomiyaha golaha baarlamaanka Soomaaliya, Prof Maxamed Cismaan Jawaari oo dhawaan ka soo laabtay shirkii hoggaamiyaasha Afrika iyo Carabta ee ka dhacay dalka Kuwait.
Sida ay noo sheegeen ilo xog ogaal ah, fadhigga mudanyaasha baarlamaanka maanta wuu ka duwan kii kal horre, waxaana loo wacay dhammaan xildhibaannada fasaxa ku maqan iyo kuwa aan imaan jirin kulamada baarlamaanka.
Mooshinka marka loo qaybiyo xildhibaannada waa ay soo akhrisan doonaan, kaddibna maalin kale ayaa cad loo qaadi doonaa sida sharciga uu yahay.
Ma cadda ra’iisal wasaaraha mooshankan oo ay ka keeneen ku dhawaad 160 mudane in uu ku bixi doono iyo in kale.
Caasimada Online
Xafiiska Wararka Muqdisho