21-ki sano ee ugu danbeeyay Somalia waxa ay ku sugneed xaalad la wada ogsoon yahay sida ay aheyd taasoo dhalisay in ay dad badan oo muwaadiniin ah ku nafwaayeen kuwa kalena ku naafoobeen halka qaarna ay wadanka oo dhan isaga carareen, iyagoo wadamo shisheeye qaxooti ku noqday.
Waxaa jiray dad iyaga aan waligood meelna ugu dhaqaaqin bacdii iyo bugtii la isku hayay daruufo ha u keento ama wadankaaga ku dhimo haba ka aheyd.
Marba heer waxa ay soo martaba Soomaaliya haatan xaalku sidii hore waa uu dhaamaa oo waxaa soo muuqanaya ifa faallo nabadeed & dib ugu soo laabasho ah & maalgashi xoog leh, abaabul qorshe ganacsi iwm.
Hadaba waxaa jirta in wax yaabo badan oo dhanka nolosha ah ay saameyn ku yelatay dowlad la,aanta taasoo saameyn ku yeelatay dhamaan umaddii oo iddil.
ALYOOM waa eray kasoo galay dhankaa iyo qurbaha siiba dalka Yemen oo Soomaali badan qaxooti ku yihiin, hadaba eraygan ALYOOM oo ah eray carabi ah ayaa waxa loola jeedaa wax hal maalin qura la isticmaalo, ALYOOM aad ayaa loo addeegsadaa waayahan danbe waxaana ugu wacan shaqadii oo noqotay mid aanan laheyn waxa loo yaqaano SAVE ama dhigaal.
Waxaa jirta dadka caadiga ah ee garab raratada ah ee qabta howlaha dhismaha, Xamaaliga, Darawalada, ay si aad ah u dhibsadeen noloshan ALYOOM ka ah waxaa dhacda in muwaadinka Soomaliyeed ee garab ra ratada ah in subixii sida uu uga soo dhaqaaqo reerkiisa marka uu habeenkii ku laabto xaafada waxa uu soo shaqeeyay ku ekaataa kaliya Jigada ama wixii beri la cuni lahaa bes.
Noloshan ALYOOMka ah waa mid ay qaati ka taagan yihiin dadka aan soo sheegay laakiin ay dhaanto in maalintaas ay ilmahu qadaan, balse dhibaatada jirtaa ee haysata garab raratada waxa ay tahay hadii ilmaha ka xanuunsado ama islaanta u dhasho ama xitaa xaalad deg deg ah galo lasoo deristaa wal wal iyo walaahow waayo ma haysto qarash uu ku daaweeyo sidaana ku qasbanaadaa inuu meelaha u car cararo ama deen soo qaato ama ku qasbanaadaa inuu wacdo qof ehel u ahaa oo dibada jooga.
Noloshan ay ku nool yiihiin ragan sidoo kale ma maareyn karto haduu leeyahay Ilmm yar oo iskuul u dhigta waxa uu iaga bixiyo feega sidaana ku kalifmataan in xitaa ilmaha ay ka dhankooda ka raadiyaan ALYOOMka oo ay Caseye ama kuwa qaraabka ah iska noqdaan waayo ma haystaan daryeelkii rasmiga ahaa ee ay walidkooda uga baahnaayeen
Waxaaba ugu siidaran inta uu raadiska ku jiro inuu ka baaqdo shaqadii ALYOOMka, ka dibna ay dhacdo in maalintaas ilmaha qadaan inta uu wax raadis ku jiro, waayo shaqadiisa waxa ay aheyd mid maalintaas waxa uu so shaqeyso ah oo haduu uu iman sidaas ku seegaa mana jiro cid la xisaabtameysa marka uu baaqdo ileyn waa shaqo fursad ah, tusaale ahaan nimanka fuundiga ee guryaha dhisa shaqadooda waa ninkii yimaada inuu ka faaidaysta aan laheyn tiro kooban.
Sidoo kale dadkan garab raratada ah dhibaatada haysataahi waxa ay tahay in ay degan yihiin guryo ijaar ah bilkastana laga rabo ugu yaraan 50$ mana jirin wax save u ahaa oo uu ku bixinayo bilkastana aad arkeyso dad garab ra rato ah oo lagu dhagan yahay.
Waxaa jira Hooyooyin caawiya Aabayaasha shaqada ALYOOMka hayo kuwaas oo qabta shaqooyin yar sida in ay miis ganacsi ku leedahay iridka hortiisa oo ay ku gado qudaar, sidoo kale waxaa jira iyana Hooyooyin Ayuuto gala oo dabira ijaarka guriga.
Si kastaba ha ahaatee arintan ayaa ah mid ay ka ca banayaan dadkan garab raratada ah hase yeeshee waxaan jirin cid xuquuqdooda ilaalisa, balse waxaa looga fadhiyaa dowlada in ay wax ka badasho shaqooyinka sidan oo kale ah una sameyso xuquuq dhamaan shaqalaha oo dhan sida caadiga ah marka qofka da noqdana u qortaa waxa loo yaqano (patient)
Ugu danbeyntii waxaan kusoo gaba gabeynayaa ninkii igu dhaliyay inaan qoro qormadan oo ahaa nin deris kayga kaasoo aan maqllo markasta isagoo leh “Aayatiinkeena oo iddil ALYOOM buu kusoo idlaaday”!!
W/D Asad Abukar Ali (Asad Dhayow)
Email asaddhayow@gmail.com
