Abaanduulihii hore ee ciidamada xoogga dalka Somalia oo geeriyooday

AvatarBy Asad Cabdullahi Mataan

London (Caasimada Online) – Abaanduulihii hore ee ciidamada Xoogga dalka Somaliya Gen. Cali Baashi Maxamed Cumar, ayaa la xaqiijiyay inuu geeriyooday Magaalada London ee dalka UK.

Saraakiil ka tirsan ciidamada Xoogga dalka Somaliya ayaa xaqiijiyay geerida Abaanduulihii hore ee ciidamada Xoogga dalka oo ku xanuunsanaayay dalkaasi.

Taliyaha Ciidamada Xoogga dalka Somaliya Generaal Cabdi Wali Jaamac Gorod, ayaa ka tacsiyadeeyay geerida ku timid abaanduulihii hore ee ciidamada Xoogga dalka Somaliya.

Sidoo kale Taliyeyaasha Ciidamada Somaliya ayaa dhambaal tacsi ah u diray Abaanduulihii hore ee ciidamada Xoogga dalka Somaliya eheladiisa.

Abaanduulihii hore ee Ciidamada Xoogga dalka Somaliya ayaa la sheegay in muddooyinkii dambe ku xanuunsanaayay dalka UK.