Aqri: Beesha caalamka oo ka jawaabtay qoraalkii ay DF ku dalbatay in laga jaro Somaliland dhaqaalaha

AvatarBy Asad Cabdullahi Mataan

Nairobi (Caasimada Online) – Beesha caalamka ayaa ka jawaabtay qoraal ay usoo gudbisay dowladda Soomaaliya oo ay ku dalbaneysay in la joojiyo la-macaamilka gaarka ah ee maamulka Somaliland.

Qoraalkaas ayaa waxa ay dowladda federaalka ku dalbaneysay in dhaqaalaha beesha caalamka ay siiso Somaliland lasoo marsiiyo dowladda Soomaaliya, si la mid ah maamullada kale ee dalka jira.

Si kastaba, qoraalka jawaabta ah ee beesha caalamka ayaa lagu xasuusiyey dowladda Soomaaliya in heshiis ay gashay 2013 ay ku ogolaatay in Somaliland si gaar ah loo siiyo deeqaha.

Beesha caalamka waxa ay sidoo kale sheegtay inaysan suurta-gal ahayn in Somaliland loola macaamilo sida Puntland oo kale. Sidaas darteed ayaa lagu yiri qoraalka, waxaa beesha caalamka ay codsaneysaa in dowladda ogolaato in sida ay hadda wax yihiin ay ku socdaan.

Hoos ka aqriso qoraalka.