Wakaaladda wararka AP oo shaacisay arrin fool-xun oo ay Imaaraatka ku kaceen

AvatarBy Asad Cabdullahi Mataan

Dubai (Caasimada Online) – Ciidamada Imaaraadka Carabta waxay xad-gudub galmo kula kaceen maxaabiista xabsiyada dalka Yemen, waxaa sidaas shaaca ka qaaday wakaaladda wararka AP ee dalka Mareykanka.

Maxaabiistan oo la hayo dacwo la’aan ayaa waxaa lagula kacay kufsi, galmo afka looga sameeyey iyo dharka oo laga bixiyey, sida ay sheegtay warbixinta AP.

Mid ka mid ah dhacdooyinka oo ka dhacday xabsiga Beir Ahmed ee Cadan, bishii March, boqolaal maxaabiis ah ayaa waxaa lagu sameeyey xadgudub ayaga, oo dabadooda la baaray.

“Dharka ayey kaa dhigayaan, gacmaha ayay kaa xirayaa, kadibna qasab ayay kuugu galmoonayaan” Waxaa sidaas u sheegay AP mid ka mid ah maxaabiista.

Ilaalada maxaabiista ee Imaaraatka ah ayaa la sheegay inay maxaamiibsta u sheegay inay raadinayaan mobile ay ku qariyeen dabadooda, kadibna sidaas u qaawiyaan, oo ay galmo qasab ah ugu sameeyaan.

Dowladda Mareykanka oo taageerta isbaheysiga Sacuudiga iyo Imaaraadka Carabta ee dalka Yemen dagaalka ka wada, ayaa sheegtay naysan ka war-hayn xadgudubyadan galmo ee ciidamada Imaaraatka lagu eedeeyey.

Caasimada Online
Xafiiska Qaahira
Caasimada@live.com