Arrin NAXDIN badan oo ka billaabatay magaalada Muqdisho (Maxey tahay?)

By Asad Cabdullahi Mataan

Muqdisho (Caasimada Online)– Iyadoo lagu guda jiro maalmaha Ciidul-fidriga, islamarkaana ay dadku yihiin kuwa isku martinaaya, ayaa waxaa la arkayaa dhacdooyin mudooyinkaani ay Magaalada Muqdisho ay ka caaganeyd.

Muqdisho ayaa waxaa ka dilaacay Dhalinyaro wadata gaadiid nooca raaxada ah, kuwaasi oo afduub u geysanaaya gabdhaha da’da yar, iyadoona sidoo kale dhac u geysta dhalinyarada wata Labtoobyada iyo Mobilada qaaliga ah.

Waxaa maanta Degmada Howlwadaag ee Gobolka Banaadir lagu arkay dhalinyaro illaa Seddex ka kooban oo iyagu doonaayay inay afduub u geystaan gabar da’deedu lagu qiyaasay illaa 18-jir, waxaana kusoo baxay ka hor inta aysan afduubka u geysan dadkii ku ganacsanaayay halkaasi.

Afduubka lala damacsanaa Gabadhaasi ayaa waxa uu qalqal galiyay gabdhaha da’da yar ee ku nool Degmada Howlwadaag, waxaana durbadiiba buuqa iyo sawaxanka halkaasi ka dhashay kusoo baxay Ciidamada iyo maamulka Degmada oo dabagalay gaariga, inkastoo aysan ku guuleysan inay gacanta kusoo dhigaan.

Dhanka kale, waxaa mudooyinkaani Magaalada Muqdisho kusoo badanaaya dhalinyarada wadata gaadiidka raaxada oo iyagu boob u geysta dhalinta wadata Labtoobyada iyo Mobilada qaaliga ah.

Caasimada Online

Xafiiska Muqdisho

caasimada@live.com