Arsenal, Tottenham iyo Liverpool oo isku heysta Luiz Adriano.

By Asad Cabdullahi Mataan

Arsenal, Tottenham iyo Liverpool ayaa ka fikiraya inay Janaayo soo dhaqaajiyaan weeraryahanka Shakhtar Donetsk iyo xulka Brazil Luiz Adriano. Sida uu qoray Wargeyska Daily Mail.

Wakiilo ka socda kooxahaan ayaa daawaday 25 jirkaan intii ay socotay ciyaartii Champions League –ga Chelseaiyo Shakhtar  ee ku dhaamatay 3-2 da isbuucii lasoo dhaafay.

Spurs,  Manchester City iyo Chelsea ayaa dhamaantood xiiseynayey  labada ciyaaryahan ee kooxda reer Russia Willian iyo Fernandinho , laakiin heshiiska Adriano ayaa noqon kara midka laga wada xaajoodo.

Weeraryahanka orodka badan ayaa 45 gool dhaliyey xilli uuu 107 kulan u saftay kooxda Ruushka, waxaana loo qiimeeyaa kubad dhaliye halis ah.

Arsenal ayaa dalab u dirtay Adriano intii lagu jiray xagaaga laakiin helitaankoodii Olivier Giroud ayey isaga dhaafeen wiilkaan.

W/Q: Ahmed Jaangoan

E-mail: jangoan@hotmail.com

Caasimada – Mogadishu.