AXMED MADOOBE oo ka hadlay dagaalka u dhaxeya Somaliland iyo Puntland

AvatarBy Asad Cabdullahi Mataan

Muqdisho (Caasimada Online) – Hoggaamiyaha maamulka Jubbaland Axmed Madoobe, ayaa markii ugu horeysay ka hadlay dagaalka ka socda deeganka Tukaraq ee Gobolka Sool.

Axmed Madoobe, waxa uu sheegay inuu daba dheeraaday dagaalka isla markaana uu aad uga xun yahay in dad isku dal ah ay qubaan dhiiga shacabka.

Axmed Madoobe, waxa uu sheegay inaanu jirin sabab uu dagaal uga dhaco Tukaraq, kaliya dadka waxyeelada kasoo gaareysana ay yihiin dadka deegaanka.

Madoobe, waxa uu tilmaamay inay muhiim tahay in dagaalka Tukaraq ee u dhexeeya Somaliland iyo Puntland lagu xaliyo wadahadal, waxa uuna cadeeyay inuu aad uga xunyahay dhiiga qubanaaya.

‘’Waa arrin aad u fool xun iyaga un’baa labada maamul is ficlaaya anagu wey noo siman yihiin waxaanu ka dalbaneynaa in shacabka laga dulqaado ciidanka’

Madoobe waxa uu ugu baaqay mas’uuliyiinta labada maamul iyo waxgaradka kasoo jeeda Tukaraq in ay xiisaddan colaadeed xal ka gaaraan.

Dhinaca kale, hadalka Axmed Madoobe ayaa kusoo aadaya xilli dhowr jeer oo hore ay dagaalo ku dhexmareen ciidamada maamulada Somaliland iyo Puntland degaanka Tukaraq ee Gobolka Sool.

Caasimada Online

Xafiiska Muqdisho

Caasimada@live.com