Baarlamanka EU-da oo war kasoo saaray faro-galinta Imaaraatka iyo Sacuudiga ay ku hayan dalka Somalia

AvatarBy Asad Cabdullahi Mataan

Muqdisho (Caasimada Online) – War qoraala oo kasoo baxay Baarlamaanka Midowga Yurub ayaa waxaa looga hadlay faragalinta qaawan oo dowladaha Imaaraadka iyo Sacuudiga ku hayaan Somalia.

Qoraalka Baarlamaanka ayaa waxaa lagu muujiyay in dowladaha Imaaraadka iyo Sacuudiga ay ku xadgudbaan Qaranimada Somalia, iyagoo siyaasadooda u weeciyay maamulka Somaliland.

Baarlamaanka ayaa dowladahaasi ugu baaqay inay xushmeeyan qaranimada iyo xuduudaha Somalia, si Somalia ay uga soo kabato dhibta kaga imaaneysa culeysyada dowladaha kale.

Waxa uu baarlamaanka sheegay inay aad u cambaareynayaan faragalinta qaawan oo Imaaraadka iyo Sacuudiga ku hayaan Somalia, taa oo ay tilmaameen inay ka dhalankarto caqabado kala duwan.

Sidoo kale, Baarlamaanka Midowga Yurub ayaa cod dheer ku sheegay in Dowladaha Imaaraadka iyo Sacuudiga ay joojiyeen dhaqaalihii ay siin jireen Somalia.

Waxaa sidoo kale, lagu eedeeyay inay hakiyeen tayeynta ciidamada Somalia sida tababarada iyo qalabeynta Militeriga Somalia ee dagaalka kula jira Kooxaha xagjirka ah.

“Hakinta dhaqaalaha iyo tababarada waxa ay ku saleeyen danahooda oo ay ka waayen Somalia, waxa ay ku andacoonayaan in Somalia ay kala safarat Qadar”, ayaa lagu yiri qoraalka.

Sidoo kale, baarlamaanka ayaa dowladaha Imaaraadka iyo Sacuudiga uga digay inay dhaliilsadan faragalinta ay ku hayaan Qaranimada Somalia, waxa ayna ka digeen inay sii wadaan faragalinta.

Dhinaca kale, Baarlamaanka Midowga Yurub ayaa cadeeyay in abtaladaani ay bilaawatay kadib markii Somaliland  ay Imaaraadka ku wareejisay Saldhig iyo Dekadda Berbera.

Caasimada Online

Xafiiska Muqdisho

Caasimada@live.com