Beesha caalamka oo niyad jabsan kana hadashay doorashada maanta Cadaado ka dhaceyso

By Asad Cabdullahi Mataan

Muqdisho (Caasimada Online) – War qoraal ah oo kasoo baxay dowladaha daneeya arimaha Soomaaliya ayaa waxaa looga hadlay doorashada maanta la filayo inay ka dhacdo magaalada Cadaado.

Qoraalka beesha caalamka ayaa lagu sheegay inay aad kaga niyad jabeen burburkii ku yimid wadahadalkii u dhaxeeyay maamulka Galmudug iyo maamulka Ahlu sunna ee gobolada dhexe, kaasi oo ku idlaaday magaalada Muqdisho.

Waxay sheegtay beesha caalamka inay daneynayeen in doorashada maanta Cadaado ka dhaceyso inay ahaato mid ay u dhan yihiin dhinacyadii wada hadalkoodii ku burburay magaalada Muqdisho.

Dhinaca kale Qoraalka Beesha caalamka ayaa lagu sheegay in Galmudug looga baahan yahay inay ka shaqeyso dib u heshiisiinta dadka deegaanka si guulo wadajir ah loo gaaro.

Sidoo kale waxay sheegeen inay diyaar u yihiin inay ka qeyb qaataan sidii markale loo wadahadal siin lahaa maamulka Galmudug iyo maamulka Ahlu sunna ee gobolada dhexe.

Hadalka Beesha caalamka oo si toos ah aysan kaga hadlind oorashada maanta ayaa u muuqanaya inay doonayeen in doorashada dib loo dhigo si maamul wadajir ah uu kaga soo baxo Galmudug.

Wararka cayaaraha kala soco WWW.GOOL.NET