BF oo banaanka soo dhigay musuq-masuqa DF ee xajka (Xog ceebeysay Kheyre)

Muqdisho (Caasimada Online) – Guddiga Garsoorka, Awqaafta Iyo Arrimaha Diinta ee golaha shacabka baarlamaanka federaalka Soomaaliya ayaa qoraal dheer oo ay u gudbiyeen guddoomiyaha golahan waxay kusoo bandhigeen baaritaan dheer oo ay ku sameeyeen muranka ka jira aadista Xajka sanadkan 2018 ee dhanka Soomaaliya.

Qoraalkan ayaa lagu sheegay in halis weyn ay Xujeyda Soomaaliyeed ugu jiraan in sanadkaan aanay bixin sababo la xiriira muranno jira.

Qoraalka ayaa waxaa si aad ah loogu ceebeeyey xukuumadda Kheyre oo goluhu sheegay in shirkado aan awood u lahayn inay xajka u qaadaan dadka, oo aan ogolaansho ka haysan dowladda Sacuudiga qeyb laga siiyey daabulista dadka aadaya xajka.

Shirkadaha cusub, ee raba xajka waxaa ka mid ah Freedom, African iyo Ocean, waxaana wata oo lacag ka qaata xildhibaano uu ka mid yahay Cabdishakuur Cali Mire iyo agaasime ku xigeenka madaxtooyada Cabdirisaaq Shoole, oo sidoo kale qabiil aanu ka marneyn

Gudiga ayaa sheegay in shirkadaha Jubba iyo Daalo kaliya laga ogolyahay Sacuudiga, sidaas darteedna ay qasab tahay in dowladdu fasaxdo, oo aan xayirin haddii shirkadihii kale la diiday.

Guddiga ayaa ku eedeeyey xukuumadda musuq maasuq iyo in ayada oo aan qaban wax tartan ah ay shirkado cusub siisay awood ay dadka xajka ugu qaadaan.

Hoos ka aqri warbixinta guddiga