Chelseaayaa raadineysa inay weeraryahanka kale kooxda kusoo darto iyadoo Radamel Falcao iyo Gonzalo Higuain ay yihiin kuwa ugu cadcad.
Caawiyaha milkiile Roman Abramovich, Marina Granovskaia, ayaa u duulay Madrid si uu kooxaha ka dhisan caasimada Spain ugula soo hadlo inay ciyaartoydaan ka qaadan karaan bisha Janaayo, sida uu qoray wargeyska Daily Mail.
Weeraryahanka Atletico Madrid iyo qaranka Colombian Falcao ayaa ah ninka koowaad ee diirada u saaran Blues waxaana lagu qiimeeyaa 48 milyan oo ginni.
Wargeyska Sunday Telegraph aya qoraaya inuu weeraryahanka xulka Argentina Higuain, oo u ciyaara kooxda ay xafiiltamaan Atletico ee Real Madrid, uu yahay qorshaha kale ee Chelsea.
Real ayaa xiiseyneysa saxiixa Falcao hadii uu u dhaqaaqo weeraryahanka Colombia kooxda Jose Mourinho, Higuain ayaa noqon kara qorshaha ugu haboon ee kooxda galbeedka London.
Weeraryahankaan, oo 25 jir noqonaya berri, ayaan mar walba aheyn dooqa koowaad ee Mourinho, Karim Benzema iyo Cristiano Ronaldo ayaana looga door bidaa inay garoonka kusoo bilowdaan.
Waayadaan wuxuu ku maqnaa dhaawac feysha ah, Chelsea ayaana u baahan weeraryahan kale iyadoo haatan heysata keliya laba weeraryahan, waana Fernando Torres iyo Daniel Sturridge.
Weeraryahanka xulka Spain ayaa soo dhameystay 12-kiisii saacadood ee uusan dhalin gool Premier League ah, wuxuuna kusoo afjaray kulankii shalay ay kooxdiisu dubatay Sunderland oo uu laba gool ka dhaliyey.
Dhan kale, Sturridge ayaa dhaawacyo a tacaalayey iyadoo lala xiriirinayo inuu ka tago Stamford Bridge, Liverpool ayaana macquul ah inuu u wareego.
Waxaa Qoray: Ahmed Jaangoan
E-mail: jangoan@hotmail.com
Caasimada — Mogadishu.
