Muqdisho (Caasimada Online) – Kooxda Daacishta Somalia ayaa sheegatay mas’uuliyada Qarax ka dhacay magaalada Muqdisho ee caasimada Somalia.
Qaraxa ay sheegteen Daacish ayaa ka dhacay Degmada Dayniile ee Gobolka Banaadir, kaa oo lala eegtay ciidamo ka tirsan dowlada.
Qaraxa ayey sheegtay inay ku dileen ilaa Afar askari, halka ay ku dhaawaceen askar kale oo la soctay kuwa ku geeriyooday Qaraxa.
Qoraal lagu baahiyay beejka maleeshiyada Daacishta Somalia ay ku faafiyaan wararkooda ee ‘’Amaq news’’ ayaa lagu sheegay in weerarka ay fuliyeen ciidamada khaaska ah ee Daacish.
Qaraxa ayaa dhacay Jimcihii lasoo dhaafay, hase ahaa maleeshiyada oo baaritaano waday ayaa iminka sheegtay khasaaraha Qaraxa.
Sidoo kale, Hay’adaha amaanka ayaan haddal ka daba keenin sheegashada Daacishta Somalia ee weerarka Dayniile.
Arrintaani ayaa kusoo aadeysa iyadoo bishii ramadaan ay magaalada Muqdisho ka dhaceen dilal ay geysteen Daacishta Somalia kuwaa oo lala eegtay ciidamo iyo shaqaale dowladeed.
Caasimada Online
Xafiiska Muqdisho
Caasimada@live.com
