Daawo Sawirada: Khasaarihii ka dhashay Qaraxii goordhow lagu dhaawacay Xildhibaan ka tirsan PL

By Asad Cabdullahi Mataan

Gaalkacyo (Caasimada Online)-Sida aan wararkeena hore ku sheegnay waxaa Qarax ku dhaawacmay Xildhibaan C/qaadir Bootaan oo kamid ah golaha wakiilada maamulka Puntland.

Qaraxa ayaa ka dhacay meel aan sidaa uga sii fogeyn Hotel Clasic ee magaalada Galkacyo oo uu degnaa Xidhibaanka sida laga soo xigtay Saraakiisha Amaanka Maamulka.

Dhaawaca Xildhibaanka ayaa iminka lagu dabiibayaa Isbitaalka guud ee magaalada Galkacyo, waxaana halkaasi ku sugan Mas’uuliyiin ka tirsan maamulka.

Xildhibaanka ayaa la sheegay in Qaraxa uu ka burburiyay qeybaha danbe ee jirkiisa, waxaana gaariga lagu dhex arkaayay qaar kamid ah Hilbihiisii.