Muqdisho (Caasimada Online) – Iyadoo Taliyaha Ciidanka Booliska Somalia, General Maxamed Sheekh Xasan Xaamud uu booqasho ku jooga dalka Sudan, ayaa waxa uu kormeer shaqo ku tagay Xarumo farabadan oo lagu tababaro Ciidamada dalkaasi Suudan gaar ahaan kuwa Booliska.
Taliyaha oo booqashadiisa ku hormariyay Xarunta weyn ee keydka Booliska Sudan, Xarunta Hay’adda Tababarada Ciidanka Booliska iyo Xarunta Kulliyada Cilmiga Booliska iyo Qaanuunka oo ka tirsan Jaamacadda Ribaad uu arkay Ciidamo sameynaayay jimicsi kuwaasi oo uu aad ula yaabay Taliyaha.
Ciidamada Jimicsiga sameynaayay ayaa ahaa kuwo si gaar ah loo soo xulay, waxa ayna ahaayen kuwo ka quwad badan kuwa Somalia, waxa ayna ka dhisnaayen dhanka jirka.
General Maxamed Sheekh Xasan Xaamud, ayaa aad ula dhacay muuqaalka Ciidamada Tababarka sameynaayay waxa uuna si gaar ah isha ula raacay qaab dhismeedkooda.
Waxa uu dhigiisa ka dalbaday in tababaro noocaasi ah loo siiyo Booliska Somalia, waxaana dalabkaasi soo dhaweeyay Taliyaha Ciidamada Booliska Sudan.
HOOS KA DAAWO SAWIRADDA
