Muqdisho (Caasimada Online) – Qarax xoogan ayaa waxa uu goordhow ka dhacay magaalada Muqdisho ee caasimada Somalia, ayada oo qaraxa inta badan laga wada maqlay degmooyinka magaalada.
Qaraxa oo jugtiisa uu ahaa mid aad u xoogan ayaa waxa uu u muuqda mid loo adeegsaday gaari laga soo buuxiyay walxaha Qarxa. Warar hordhac ah ayaa sheegaya in Qaraxa uu ka dhacay wadada Makka Al-Mukarama, meel u dhow Shineemo Somalia.
Qaraxa kadib ayaa waxaa mar qura is qabsaday rasaas xoogan oo ay ridayeen ciidamada dowladda Soomaaliya..
Waxaa la maqlayaa guuxa gaadiidka gurmadka oo ku qulqulaaya dhanka isgooska shaqaalaha wadada makka Al-Mukarama ee magaalada Muqdisho.
Ma cadda heerka uu la egyahay khasaaraha ka dhashay Qaraxa waxaana inta badan xiran wadada Makka Al-Mukarama. Naga filo faahfaahin ku saabsan qaraxa dhowaan Insha Allah.
Caasimada Online
Xafiiska Muqdisho
Caasimada@live.com
