Muqdisho (Caasimada Online) – Iyadoo ay maanta ciidamada CID Booliska Somalia weerar lagu soo xiraayo Wasiir ku-xigeenka Wasaarada Arrimaha dibadda ku qaaden xarunta Wasaarada,ayaa waxaa arrintaasi goordhow ka hadlay Xeer ilalaiyaha Guud ee Qaranka Dr Axmed Cali Daahir iyo Hnati Dhowraha Qaranka Maxamed Maxamuud Cali (Afgooye).
Xeer ilaaliyaha iyo Hanti dhowraha oo si wada jira shir Jaraa’id u qabtay ayaa sheegay in xariga Wasiir ku-xigeenka uu ahaa mid loo maray waddo sax ah.
Xeer ilaaliyaha Qaranka Dr Axmed Cali Daahir oo ku hormaray haddalka ayaa sheegay in eedaha loo heysto Wasiirka ay yihiin kuwo sharci ah, isla mar ahaantaasina Maxkamad la horgeyn doono, si loogu qaado eedaha loo heysto.
Waxyaabaha ay ku hayaan ayuu sheegay iney qeyb ka yihiin:-
1-Ku xadgudub Xatooyo Xoolo Dadweyne
2-Ku xad gudub awood xafiiseed
3-Ku daneysi shaqsiyadeed howlo Xafiiseed iyo diidid howlo Xafiiseed.
4-Ku xadgudub xafiiska Wasiirka Arrimaha Dibadda
Waxa uu xeer ilalaiyaha sheegay ineysan marnaba aqbaleyn iney ka dhego fureystaan danbiyada ay qarankan ka galayaan Dadka xilalka dowladda ka haya, Wasiirka ayuu sheegay in eediisa ay eheyd mid mudo soo jiitameysay.
Sidoo kale, Hanti Dhowraha guud ee Qaranka Maxamed Maxamuud Cali (Afgooye) ayaa sheegay in baarista Kiiska Wasiir Muqtaar ay soo bilaabatay Bilowgii Bishii April, taasoo ka dhigan iney soo socotay mudo 4 bil ah.
Waloow ay soo shaac baxday Saaka uun markii Ciidamo ay tageen Xafiiska Wasiirka.
Wasiirka arimaha dibeda Somaliya ayaa kal hore oo maanta ah sheegay in Ciidankii laga qaaday Wasaarada, Wasiirkana shaqadiisa uu si caadi ah uwato, iyadoo arintaasna loo xil saaray Taliyaha Ciidanka Booliska Janaraal Bashiir Cabdi Maxamed.
Si kastaba ha ahaatee, waxaan la ogeyn halka uu ku danbeyn doono kiiskan looheysto Wasiirku xigeenka ee la xiriira ilaa 7 danbe oo isbiirsaday.
Caasimada Online
Xafiiska Muqdisho
Caasimada@live.com
