Gaalkacyo (Caasimada Online) – Madaxweynaha maamulka Puntland C/welli Maxamed Cali Gaas oo dadweyne badan kula hadlay deegaanada Xarfo iyo Burtinle ayaa shaaciyay hadal sii hurin kara xiisada ka taagan magaalada Gaalkacyo,
C/welli Gaas, wuxuu sheegay in marnaba aysan gorgortan ka galeynin dhulka lagu muran yahay ee uu ka dhashay dagaalka u dhaxeeyo Puntland iyo Galmudug oo sababay dhumasho, barakac iyo dhaawac soo gaara dadka deegaanka.
Sidoo kale wuxuu si cad u sheegay iney difaacayaan shacabka Puntland iyo dhulka Puntland, maadaama uu sheegay inuu iyaga masuuliyad ka saaran tahay.
C/welli Gaas ayaa ku sugan magaalada Gaalkacyo, wuxuuna u yimid magaalada si uu xal looga gaaro xiisada ka taagan magaalada.
Caasimada Online
Xafiiska Gaalkacyo
[email protected]