Dhageyso: Sh. Umal iyo Sh. Shible oo kahadlay qaraxii Masjid Al-Hidaaya iyo Kaamirooyin lagu xirayo Masjidka

Sheekh Maxamed Cabdi Umal iyo Sheekh Maxamuud Shible ayaa shalay salaadii duhur ka dib ka hadlay qarax habeen hore ka dhacay masjidka Al-Hidaaya ee magaalada Nairobi ee xarunta dalka Kenya.

Qaraxa ayaa waxaa uu dhaliyey khasaaro leh dhimasho iyo dhaawac soo gaaray dadkii ka soo baxay masjidka salaadii cishe ka dib.

Labada Sheekh ayaa marka hore tacsi u diray dhamaan eheladii iyo qaraabadii ay ka geeriyoodeen dadkii ku dhintay qaraxii ka dhacay banaanka masjidka Al-Hidaaya waxayna sidoo kale alle uga baryeen in uu dadkii ku dhaawacmay in uu caafimaad taam ah alle siiyo.

Sheekh Maxamuud Shible iyo Sheekh Maxamed Cabdi Umal ayaa ku tilmaamay ficil aad u danbi weyn in qarax ama bam lala bartilmaamsado dad muslimiin ah oo ka soo baxay salaadii cishe waxayna alle ka baryeen in alle kashfiyo gaal iyo muslim ciduu doono ha ahaadee cida ficilkan xun ka danbeysay

Culumada ayaa sheegay in khasaaraha gaaray dadka muslinka ah uu gaarayo 8 dhimasho ah dhaawacana uu u dhexeeyo 15-ilaa 30 qof wilina waxaa socda tirikoob dadka ku jira isbitaalada xaafada Islii.

Culumada ayaa dadweynaha ugu baaaqay in ay joojiyaan rabshadaha iyo dhagax tuurka iyada oo habeen hore markii qaraxa uu dhacay ay dadweyne ka careysan qaraxa ay dhagxaan ku weerareen askartii soo gaartay goobta qaraxa uu ka dhacay.

Sheikh Shible ayaa shaaca ka qaaday inay wadaan qorshaha oo ay si deg deg ah kaamirooyin iyo nalal waa weyn ugu xiri doonaan Masjidyada, si ay ula socdaan waxa dhacaya.

Dhageyso Sheekh Maxamed Cabdi Umal

Dhageyso Sheekh Maxamuud Shible

Isha Warka iyo Codadka: Halgan.net