Soomaalida Islii oo uu xaalka ku xun yahay (Ku dhawaad 100-qof oo….)

Islii (Caasimada Online) Ciidamada bilayska Kenya ayaa tan iyo shaley waxay howlgalo ka sameeyeen xaafadda Islii ee magaalada Nairobi, halkaas habeen hore uu ka dhacay qarax ay ku dhinteen kuwa kalena ay ku dhaawacmeen.

Madaxa bilayska Nairobi Mosas Ombati ayaa sheegay in howlgalo laga sameeyay xaafadda Islii oo ay ku nool yihiin Soomaali badan lagu soo qabqabtay dad ku dhow 100-qof, kuwaasoo lagu tuhmaayo in ay ka dambeeyeen qarixii ka dhacay habeenkii Jimcaha xaafadda Islii.

Ammaanka xaafadda Islii ayaa aad loo adkeeyay, waxana la geeyay halkaas ciidamo badan.

Isku socodka dadka iyo dhaqdhaqaaqa gaancsiga ayaa la sheegay in uu teel-teel yahay, waxana dadka Soomaalida ay ku sugan yihiin guryahooda.

Illaa shan qof ayaa la sheegay oo uu ku jiro ilmo ayaa yar ayaa ku dhintay qarixii habeen hore ka dhacay xaafadda ay ku badan tahay Soomaalida ee Islii magaalada Nairobi.

Dadka ku dhaawacmay qaraxa waxa ku jira Xildhibaanka laga soo doorto deeganka Kaamakunji Yuusuf Xasan Cabdi Indhagamuun, kaasoo la sheegay in uu ka jabay gacanta iyo lugahah.

Arbacadii ayaa hey’adda laan qeyrta cas ee Kenya waxay sheegtay in seddax qof oo ka mid ah dadkii dhaawaca ahaa ay xaalladooda aad u liidato.

Ma jirto koox sheegatay masuuliyada weerrarkii habeen hore ka dhacay masjidka Al-Hidaaya ee xaafadda Islii ee magaalada Nairobi

Caasimada Online

Xafiiska Wararka Nairobi