Dibad-bax looga soo horjeedo Shariif Xasan Sheekh oo Beydhabo ka socda

Asad Cabdullahi MataanBy Asad Cabdullahi Mataan

Caasimada Online (Caasimada Online) – Magaalada Beydhabo ee xarunta gobalka Baay, waxaa hadda ka socda dibad bax looga soo horjeedo guddoomiyihii horre ee golaha baarlamaanka Shariif Xasan Sheekh Aadan iyo xubno la socda oo ku wajahan magaaladaas.

Boqolaal qof oo wata u badan dumar iyo carruur ayaa isugu soo baxay xaafadaha magaalada iyo diyaaradaha Beydhabo, waxaana ay ka soo horjeedaan Shariif Xasan in uu yimid Beydhabo.

Dadka dibad baxayay ayaa ku dhawaaqayay hadalo looga soo horjeedo Shariif Xasan iyagoona sheegay in uu yahay nin lacag soo qaatay oo raba in uu dumiyo maamulka lixda gobal ee uu madaxweynaha ka yahay Aadan Madoobe.

Ma cadda sidda ay wax noqon doonaan marka ay ka daggaan wafdiga uu hoggaaminaayo garoonka diyaaradaha Beydhabo, balse waxaa la lee yahay wafdiga waxaa garoonka uga sii horeeya ciidamo dowladda ka tirsna iyo kuwa Ethiopian ah.

Caasimada Online

Xafiiska Wararka Muqdisho

Caasimada@live.com