Brussels (Caasimada Online) Warbixin ay soo saartay hey’adda xuquuqda aadanaha ee Amnesty International ayaa lagu eedeeyay dowladda Greece, in ay tacadiyo xooggan kula kacaan dadka maganlyo doonka ee gaara dalkaas.
Dad fara badan oo ka yimid Asia iyo Africa ayaa gaara dalka Greece, kuwaasoo doonaya inay magangalyo ka raadsadaan waddamada Yurub.
Hey’adda ayaa ku eedeesay dowladda in ay xirtay tobanaan kun oo qoxooti ah, oo ay ku jiraan carruur badan” taasoo ah mid fool xun ayaa lagu yiri warbixinta Amnesty International.
Dadka la dhibaateeyay waxa ku jira Soomaali badan oo qoxooti ku ah dalkaas, kuwaasoo doonaya in ay sii aadaan waddamada Yurub.
Afhayeen u hadlay Amnesty International John Dalhuisen ayaa sheegay in dowladda Greece ayaa ku guul dareesatay in ay dhowrto qoxootiga magangalyo doonka ah ee tagaya waddankaas.
Wuxuu sheegay in tacadiyo ballaaran loo geesto qoxootiga ka soo gubta soohdinta Turkiga ee soo gala waddanka Greece.
Bishii August, bilayska waxa ay ku xireeb magaalada Athens in ka badan 1,100 magangalyo doon ah kuwaasoo aan wadanin wax dikuminti ah.
Soomaalida ku sugan dalka Greece ayaa la sheegay in qaar ka mid ah ay dawarsadaan dukuumada iyo hoteladda, mana jirto cid wax u qabta ama xannaaneeya.
Caasimada Online
Xafiiska Wararka Yurub
