Falanqeyn: Aqriso Shaqsiyaad weyn doono xilkooda kadib ansixinta golaha wasiirada iyo sababta keeneysa

By Asad Cabdullahi Mataan

Muqdisho (Caasimada Online) – Ra’isul wasaaraha Soomaaliya wuxuu ku dhawaaqay golihiisa wasiirada Xukuumada Cusub ee Soomaaliya kuwaas oo ka koobnaa 72 xubnoo oo isugu jira Rag iyo Dumar qaarkood ay ku jiraan Baarlamaanka Soomaaliya .

Waxaa soo baxayo warar kala duwan oo la isla dhexmarayay oo ku aadan magacaabistagolaha wasiirada  iyo shaqsiyaad xilalkooda ku weyn kara kadib markii baarlamaanku uu Ansixiyo Wasiirada Cusub .

In rag xilal hayo ay xilkooda waayaan waxaa loo aanaynayaa Habkii lagu qeybiyay Golaha Wasiirada oo ahaa nidaamka awood qeybsiga qabiilada, waxaana la filayaa in hadii Baarlamaanka Soomaaliya ay meel mariyaan wasiiradaan in rag badan hadda xilal haya inay xilkooda waayaan

Waxaa sahlan in mas’uul xil haya uu xilkiisa waayo hadii nin kale oo beeshiisa ah loo dhiibo xil iyadoo aysan macquul noqoneyn in laba isku beel ah ay xilal sare wada hayaan sida nidaamka awood qeybsiga qabiilada uu qabo .

Waxaa jira rag hadda xilkooda ku weynaya Meel marinta Baarlamaanka ee Xukumada Cusub, waxaana koow ka ah gudoomiyaha Gobolka Banaadir Yuusuf Xuseen Jimcaale maadama Eng : C/raxman Yariisoow oo beeshiisa ah wasiirka Warfaafinta laga dhigay .

Sidoo kale waxaa xilka wayn kara mas’uuliyiin kale oo uu ka mid yahay Taliyaha Hey’adda Nabadsugida iyo Sirdoonka Qaranka Jen. C/llaahi Gaafow, oo ay isku jufa yihiin Ra’isul wasaaraha dalka .

Hadaba halkaan Hoose ka Akhriso Ragga xilalkooda Nidaamka Awoodqeybsiga qabiilada iyo is badalka cusub ee Xukuumada Ra’isul wasaare Kheyre xilkooda ku weynaya.

1) Gudoomiyaha Gobalka Banaadir iyo kuxigeenadiisa

2) Taliyaha Milatariga, Ku xigeenkiisa iyo Abaandulaha ciidanka xooga

3) Taliyaha Booliska

4) Taliyaha Hey’adda Nabadsugida

5) Gudoomiyaha Bankiga dhaxe

6) Gudoomiyaha Maxkamada Sare

7) Taliyaha Hugaanka Socdaalka iyo Jinsiyadaha,

8) Maareyaha Dekeda & Mareeyaha Garoonka Diyaaradaha.

Caasimada Online
Xafiiska Muqdisho
caasimada@live.com