Garoowe (Caasimada Online) Madaxweynaha Maamulka Puntland, Cabdiraxmaan Faroole oo ay la socdaan xubno Maamulkiisa ayaa maanta tegay deeganno ku yaalla Gobalka Nugaal.
Madaxweynaha ayaa la sheegay in uu tegay deeganka Suna-jiif oo 00 60km u jira magaalada Garoowe ee xarunta maamulka Puntland.
Faroole ayaa markii ay tageen deegankan waxa ay sii wadan waayeen socdaalkooda, wuxuuna markii dambe la hadlay saxaafadda.
Wuxuu sheegay in aysan ugudbi karin goobaha roobabka ay ku dhuftee, waayo dhulkii ay go’ay baabuurna ma mari goobaha la aadayo ayuu yiri Faroole.
Madaxweynuhu wuxuu sheegay in Puntland ay ka tan weyn tahay xaaladda ka jirta deegannada roobabka ay ka da’ayaan.
Ugu dambeen wuxuu beesha caalamka ugu baaqay in ay gurmad degdeg ah la soo gaaraan dadka ay roobabka saameeyeen, wuxuu sheegay in dad kor u dhaafaya ilaa 100 ay ku dhinteen roobabka dabeelaha wata.
Waxaa sii kordhaya khasaaraha ka dhashay roobabka duufanka wata ee ku dhuftay deegannada Bari ee dalka Soomaaliya.
Caasimada Online
Xafiiska Wararka Garoowe