Giorgio Chiellini oo shaki ku jiro inuu ciyaaro kulanka Milan.

Asad Cabdullahi MataanBy Asad Cabdullahi Mataan

Daafaca kooxda Juventus Giorgio Chiellini ayaa shaki ku jiraa inuu ciyaari karo kulanka ay kooxdiisu sabtida wajaheyso kooxda Milan sababo la xiriira dhaawac.

Daafacaan halbowlaha dhexe ayaa si aan caadi aheyn u ciyaray kulankii ay talaadada kooxdiisa 3-0 ku garaacday Chelsea, laakiin wuxuu garoonka iski uga baxay ciyaarta oo sii idlaaneysa.

Chiellini ayaa waxaa soo gaaray dhaawac kubka ah, sida laga soo xigtay wargeyska Gazzetta dello Sport, dhaawacaas ayaa weli looga welwelayaa.

Ciyaaryahankii hore ee kooxda Fiorentina ayaa laga cabsi qabaa inuu seego kulanka San Siro.

28 jirkaan, ayaana xilli ciyaareedkaan bilowgiisii garoomada uga maqnaa dhaawac uu kasoo kabsanaayey, wuxuuna 11 kulan ciyaaray sanadkaan.

Tababaraha kooxda Juventus Antonio Conte ayaa booskaan u isticmali kara Martin Caceres, Lucio ama xittaa Luca Marrone hadii uu Chiellini garoomada ka maqnaado.

W/Q: Ahmed Jaangoan

E-mail: jangoan@hotmail.com

Caasimada – Mogadishu.