Naqdin: Ha xag xagan hana xaqirin xilkasyada saxaafada Soomaaliyeed.

Asad Cabdullahi MataanBy Asad Cabdullahi Mataan

Murugo iyo uur kutaalo xoog leh baanu dareemeynaa marka aan dib u xusuusano dhibaatada xanuunka badan iyo masiibada sida gaarka ah ugu dul habsatay suxufiyiinta soomaaliyeed 1991 – 2012, waxaana walbahaarki nahayay nagu sii kordhiyay XASUUQ WADAREEDKA IYO GOWRACA sanadkan sii dhamaanaya nagu soo saa’iday, sanadkan 2012 waxaa la dilay 16 suxufi iyadoo 13 kalana la dhaawacay halka in badan ay bara kaceen inta dalka joogtana ay xaalad wal wal iyo jaha wareer ah ku sugan yihiin.

Suxufiyiinta Soomaaliyeed waa naftood hurayaal ku shaqeeya xaalada dunida ugu qalafsan kartidooda, dadaalkooda , geesinimadooda iyo aqoontooda ayeyna ku gaaraan in wax la qeybsadaan suxufiyiinta caalamka daqiiqad daqiiqad ayeyna caalamka ugu gudbiyaan dhacdooyinka siyaasadeed iyo kuwa bulshadeed ee ka jira dalka Soomaaliya.

Soomaalidu waxey tiraahdaa inta aadan falin ka fiirso, macnaha waa in aad marka hore ka baaraan degtaa maxsuulka kasoo bixi kara waxa aad sameyneyso iyo raadka ama saameynta ay dib kuugu yeelan karaan , maqaalkii DULMIGA, JAAHILNIDA, XAASIDNIMADA iyo XAQIRAADA xambaarsanaa ee uu kusoo bandhigay wargeyska THE GUARDIAN JAMAAL CUSMAAN maanta waa uu ka qoomameynayaa hadii ay shalay maangaabnimadiisu tustay in uu wax badan ku helayo been abuur aflagaado iyo isku qirasho dambi.

JAMAAL CUSMAAN wuxuu si cad u sheegay in suxufiyiinta Soomaaliyeed ay yihiin LAALUUSH QAATAYAAL AAN AQOON LAHEYN DHEXDOODANA AY ISDILAAN hadaba aan mid mid u soo qaadano 3-da qodob ee gefka iyo sharaf kadhaca ku ah suxufiyiinta Soomaaliyeed ee saliimka ah,LAALUUSH QAATAYAAL hadiiba uu jiro suxufi laaluush qaate ah waa JAMAAL maqaalka loo soo yeeriyay ee la doonayo inlagu dhaawaco sharafta Suxufiyiinta Soomaaliyeed wuxuu ku qaatay xoogaa LUF LUF ama AFMARIS Ah waxuuna maqaalku si toos ah u muujinayaa daciifnimadiisa iyo heerkeedu liito ee uu shakhsiyan ku sugan yahay.

AQOONDARI tankeeda dhaaftay ayaa ka muuqata MASKIINka JAMAAL sababtoo ah wuxuu ilowsan yahay in uu yahay suxufi Soomaaliyeed , wuxuuna isu heystaa suxufi British ah maadaama uu ka howl galo chanel 4, HORAA LOO YIRI BAQASHII FARDO LA DAAQDA FARAS BEY ISMOODAA, sow ma oga JAMAAL in wax kasta oo wanaag iyo xumaan ah oo uu ku sheego suxufiyiinta Soomaaliyeed uu isna la wadaagayo.

Suxufiyiinta dhexdooda ayaa isdila tani waa SIR CULUS oo kasoo baxsatay Jamaal sababtoo ah wuxuu si cad u muujinayaa wax aaney suxufiyiinta Soomaaliyeed war u heyn, waxeyna xogtan uu soo bandhigay ina tuseysaa in loo baahan yahay in raad raac iyo dabagal lagu sameeyo si loo helo JAMAAL iyo RAGA saaxiibadiisa ah ee huwan magaca suxufiyiinta ee dilka iyo xasuuqa ku haya Suxufiyinnta Soomaaliyeed.

SIR MAQABE SABAA BIYO U CELSHA suxufiyiinta Soomaaliyeed maanta waxey heystaan mid kamid ah gacan ku dhiiglayaasha sababta u ah DILKA iyo XASUUQA , DHAAWACA iyo BARAKACA u geystay maadaama uu isagu qirtay , waxaana muhiim ah inay suxufiyiinta Soomaaliyeed iyagoo isku duuban u istaagaan in JAMAAL maxkamad lagu furo sharcigana lahor keeno si loo helo raga howshan guracan kula jira , waxaana gaba gabadii JAMAAL ku leeyahay HA XAG XAGAN HANA XAQIRIN XILKASYADA SAXAAFADA SOOMAALIYEED.

Qalinkii Qoraa Sare.
Muse Mohamed Osman
muusekiimiko992hotmail.com
muusekiimiko2gmail.com