Nairobi (Caasimada Online) – Afhayeenkii hore ee baarlamanka dalka Kenya Faarax Macallin ayaa shaaca ka qaaday qorshaha halista ah ee Imaaraadka Carabta uu ka leeyahya Geeska Afrika, iyo sida ay isugu dayayaan inay maamulaan gobolka oo idil.
Qoraal uu soo dhigay barta twitter-ka ayuu Faarax Macallin ku sheegay in Imaaraadka Carabta oo uu ugu yeeray dowlad yar oo munishiibiyo ah ay ka dhaadhacsan tahay inay maamuli karaan Geeska Afrika oo dhan.
Waxa uu sheegay in Imaaraadka ay rumeysan yihiin in haddii ay gacanta ku dhigaan dhammaan dekadaha Soomaaliya, Jabuuti iyo Eritrea ay Meesha ka saari karaan loolan dekadeed oo ku yimaada dekadda Jabal Cali ee magaalada Dubai.
Dekadda Jabal Cali, ayaa ah isha dhaqaale ee ugu weyn dowladda Dubai, waxaana sanad kasta badeecadaha dekaddaas la isku dhaafiyo kasoo gala 80 bilyan oo dollar, taas oo macanaheedu yahay in haddii dekado kale ay kusoo baxaan ay weyn doonto dhaqaalaha.
Imaaraadka ayaa horey u iibsaday dekado badan oo ku yaalla gobolka, sida Berbera iyo Boosaaso, inkasta oo baaralamanka Soomaaliya uu laalaay, waxaana sidoo kale laga soo eryey dekadda Doraleh ee dalka Jabuuti, kadib markii Jabuuti ay ogaatay halista uga iman karta.
Imaaraadka oo ah dal yar, ayaa aaminsan in iibsashada dekadaha ay u horseedi karto inay hor-istaagaan in dalalka kale ee gobolka ay horumaraan, hase yeeshee siyaasiyiin badan ayaa ayaga oo sidaas wax u og haddana u saxiixay wixii ay rabeeen.
Caasimada Online
Xafiiska Nairobi
Caasimada@live.com
