Indha Cadde: “Waa in dalka lagu xukumaa shareecada ISLAAMKA haddii kale….”

Zahra Axmed GacalBy Zahra Axmed Gacal

Muqdisho (Caasimada Online) – Jeneraal Sheekh Yuusuf Maxamed Siyaad Indhacade oo ka mid ah saraakiisha ciidanka xoogga dalka ayaa ku baaqay in si rasmi ah dalka loogu maamulo diinta Islaamka, “si buu yiri aan uga run sheegno islaamnimada aan sheeganeyno.”

“Islaam ayaan nahay soo maaha, waa inaan ka run sheegno waxa aan sheeganeyno, gaaladu waxay ka run sheegeen waxa ay sheeganayaan,” ayuu yriri Jeneraal Indhacadde.

Si dowladnimada Soomaaliya ay u raacdo dariiqa saxda ah, isla markaana ay guuleysato waxa uu soo jeediyey in dalka lagu maamulo Kitaabka Ilaahey.

“Waa inaan Kitaabka Ilaahey isku xukunno, oo Ilaahey diintiisa aan isku maamulno, markaas waxaan noqoneynaa dad dariiqa saxda ah ku taagan, waana guuleysaneynaa,” ayuu yiri.

Isagoo sii hadalyey ayuu yiri Jeneraal  Indhacade, “Anagoo heysana wixii adduunka ugu fiicnaa. Aakhirana na anfacaayey oo ah Kitaabka Ilaahey, ayaan inta iska diidnay waxaan raadineynaa wax kale, maxay yihiin waxa kale ee aan raadineyno?”

Hoos ka Daawo