KASHIFAAD: Burburin xoogan oo ku socota wasaarada arrimaha dibedda Somalia + Kaalinta Fowsiya (Q.2)

(Qeybtii 2-aad) Halkan ka Arag Qeybtii hore

Taariikhda MADOW ee Wasiiradda Arrimaha Dibedda Somalia

Horey waxaan uga soo Hadley Burburinta lagu hayo Wasaaradda Arrimaha Dibedda Ee Somalia oo ay hor-kaceyso Wasiiradda laftigeeda. Haatan waxaan halkaan kaga hadli doonaa taariikhda MADOW ee Wasiiradda Fawziya Yuusuf Xaaji Adan.

Sifooyinka ugu yar oo laga rabo inuu leeyahey qofka loo magacaabayo jagada wasiirka arrimaha dibedda:

1. Inuu yahey qof dalka daacad u ah oo aan khayaamo looga baqeyn;

2. Inuu yahey qof aamin ah oo aan tuugo lagu aqoon;

3. Inuu yahey qof qabiilka iyo eexda ka fog oo heer qaran gaarsiisan;

4. Inuu yahey qof nadiif ah oo asaga iyo famiilkiisa aan wax xun lagu aqoon;

5. Inuu yahey qof deggen oo dulqaad weyn leh;

6. Inuu yahey qof aqoon leh: khaas ahaan cilmiga diplomaasiyadda, sharciga dawliga ah (International law), taariikhda iyo juqraafiga addunkana in fiican ka fahmayo; (dawladaha islaanka ugu yaraan)

7. Inuu si fiican u fahmayo sida ay u wada shaqeeyaan dawladaha iyo hey’adaha caalamiga ah;

Haddaba haddaan qodobada aan kor ku soo qorey qodob qodob uga faalloono waxaa noo soo baxaya:

1. Inuu yahey/tahey qof dalka daacad u ah oo aan khayaamo looga baqeyn: Khayaamo ka weyn ma jirto in aad GUBTID calanka dalkaaga ama dalka aad wasiir arrimaha dibedda u tahey. Fawziya waxey meel fagaare ah ku gubtey calanka Somalia; waxeyna raacisey dadka koonfurta Somalia deggen waa XOOLO oo haddaan nahey Somaliland waxba ma dooneyno in aan ku darsano. Maanta side bey u matali kartaa calankii ay gubtey iyo dadkii ay xoolaha ku sheegtey? Danbiga noocaan ah mid la cafin karo ma ahan. Madaxweynaha Somalia iyo Prime Ministerka waxaa laga rabaa iney dib uga fiirsadaan Fawziya in MASUULIYADDAAS lagu aamini karo inta wali Wasaaraddu rajo leedahey.

2. Inuu yahey qof aamin ah oo aan tuugo lagu aqoon: Fawziya waxey ka sameysey magaalada LONDON ee dalka Ingiriiska (UK) hey’ad la yiraahdo RAAD Organization oo degeneyd cinwaanka:8 Manor House, The Green, Southall UB2 4BJ. Hey’adatan waxaa ku socda dacwooyin iyo baaritaan lacago ay qaadatey. Lacagihii faraha badnaa ee RAAD Organization lagu soo qaadey, waxey Fawziya ku furatey RAAD TV oo ahaa TV FITNO kaliya ka hadla oo guubaabiya Somalialand ineysan waxba ku darsan Somalia. Balse waxey ka oran jirtey CADAWGA ugu weyn ee Somaliland waa Somalia. Marar badan waxey ka tiri “War annagu dadkaan ma rabno ee maxey noogu dhegen yihiin”. Hal sano wax ka yar ayuu shaqeeyey RAAD TV, kadibna wuu xirmey illeyn wuxuu ahaa TV xaaraan ku dhisan iyo naceyb.

3. Inuu yahey qof qabiilka iyo eexda ka fog oo heer qaran gaarsiisan: Fawziya waa qof qabiilku lafaha ka galey. RAAD Organization waxaa ka shaqeynayey hal reer oo kaliya. RAAD TV waxaa ka shaqeynayey hal reer oo kaliya oo wariyayaashii saaxiibka ahaa bey isku dirty oo colaad dhex dhigtey. Waxaa RAAD TV shaqo u doontey nin Somali ah oo mutacalim ah. Fawziya ayuu u tegey. Waxey ku tiri “Waar guryo la xaaqo halkaan kuma heyno ee meel kale ka raadso”. Markii Wasaaradda Arrimaha Dibedda ee Somalia loo magacaabey waxey isugu yeeratey hal reer. Markii la weydiiyey qabiilo kale waxey ku jawaabtey wax diplomaasiyiin ah maleh. Ninka Somali oo dhan ugu khibradda badan Mr. Mohammed Shekh ayuu noqdey oo ka dhashey reerkii ay ku tilmaantey ineysan wax diploomaasi ah ka dhalan. Haatan waxaa lagu wadaa in Mr. Mohammed Sheekh uu hogaanka u qaban doono wasaarada arrimaha dibedda oo Somalia asaga oo mar hore kala tuurey qorshayaal fara badan oo ay wateen Fawziya iyo kooxda ku heegaarsan.

4. Inuu yahey qof nadiif ah oo asaga iyo famiilkiisa aan wax xun lagu aqoon: Fawziya taariikhdeeda LONDON mid aad u xun weeye. Aabaheed wuxuu noqdey ninka Somalia oo dhan ugu caansan, sababtuna waxey aheyd wuxuu galey DANBI aan Somalia oo dhan laga aqoon oo walibana MAXKAMAD lagu keeney. Awowgeed ayaa weydiiyey aabaheed oo wuxuu ku yiri “Maandhaw maxaad danbiga intaas le’eg u gashey adigoo og in dadka Somalida ah yihiin dad MUSLIM ah oo danbiyada noocaas ah aan dalka oo dhan laga aqoon?” Fawziya aabaheed oo u jawaabaya aabihiis wuxuu ku yiri “Aabe waligaa ma maqashey qof baa ceeeeb u dhintey?”. Fawziya meel halkaa ka fog kama imaan. Waa family aan CEEBTA kala jecleyn oo aan wax xishood ah lagu arag

5. Inuu yahey qof deggen oo dulqaad weyn leh: Culuumta diploomaasiyadda waxyaabaha ugu muhiimsan oo lagu barto waxaa ka mid ah DULQAAD (TOLERANCE). Dulqaad waa ilbaxnimo, waa geesinimo; waa reer magaalnimo. Qofka Diploomaasiga ah waxaa laga rabaa inuu arrin walba si aad u qoto-dheer uga fiirsado, la tashado dadka arrintaas taagan khibradda u leh. Qofka diploomaasiga ah waxaa la rabaa inuusan hadalku ka dhicin. Jabuuti, Kenya, Ethiopia, Turkey intaba wey ku fashilantey Fawziya (socdaalada Fawziyo iyo fashilaadeeda oo tafaftiran waxaan ku soo qori doonaa MAQAAL gooni ah dhawaan). Dalalka Islamka ah albaabka kama furayaan Fawziya waayo taariikhdeeda ayey si fiican u heystaan. Xaggee bey u hogaamin siyaasadda arrimaha dibedda ee Somalia?

6. Inuu yahey qof aqoon leh: khaas ahaan cilmiga diplomaasiyadda, sharciga dawliga ah (International law), taariikhda iyo juqraafiga addunkana in fiican ka fahmayo: Maxey tahey aqoonta ay leedahey Fawziya? Rag Malaga waayey reerka wasaaraddaas loo dhiibey? Maxey Fawziya ka taqaan sharciga dawliga ah oo laga rabo in qofka diploomaasiga ahi wax ka yaqaan? Taariikhda iyo Juqraafiga adduunka waxba kama garaneyso. Fawziya waa IHAANO dhan kasta oo laga eego. Aqoon-darro, caqli-xumo iyo qabiil baa ka buuxsamey. Waxeyna ku darsatey la-taliyayaal ayada ka sii liita oo aan ayagana si tafaftiran taariikhdooda madow uga soo sheekeyn doono dhawaaan.

7. Inuu si fiican u fahmayo sida ay u wada shaqeeyaan dawladaha iyo hey’adaha caalamiga ah:

Nasiib darro Fawziya waxba kama garaneyso sida ay u wada shaqeeyaan dawladaha caalamku. Ethiopia waxaa ka soo raacey CEEB weyn. Kenya waa laga diidey in la qaabilo. Turkeyga BEEN weyn ayey ka sheegtey, waana lala yaabey! Fawziyo waxey ku fashilantey Hey’ad yar oo lacag aad u fara badan lagu siiyey oo dal aad u horumarey ku taal. Waxey ku fashilatey RAAD TV oo ay ayadu burburisey. Waxey ku fashilantey oo walibana lagu soo garaacey Somaliland markey tiri xisbi ayaan ka furan. Xamar ma qashin-qub ayey noqotey? Hadba qofkii gobolkiisa laga soo ceyriyo ayaa usoo shaqo doonta! Maxaa kaa nasiib darro ah!!!!

Fawziya waxey DIRECTOR ka aheyd Companies House UK. Halkaan ayaad ke heli kartaa:
www.companieshouse.gov.uk
Check:RAAD Ltd
Haddaadse dib usii raacdid Historyga; waxaad arki doontaa ineysan hadda DIRECTOR ka aheyn. Sababta aysan hadda Director uga aheyn iyo dhaqaalihii lagu qaatey RAAD Organization iyo RAAD TV dhawaan ayaan maqaal kale oo tafaftiran ku soo qori doona. 

Ujeedooyinka ugu weyn ee safaaradaha loo soo xereynayo waxaa ugu muhiimsan:

1. In safaaradaha muhiimka ah la geeyo dad Fawziyo daacad u ah oo kala shaqeeya burburka Somalia, sida safaaradda USA, Italy, Belgium, Turkeyga, Kuwait, Saudi Arabia, Masar iyo Kenya.

2. In safiiro badan oo aan aqoon iyo khibrad laheyn laga buuxsho safaaradaha kale ee Somalia si wax-qabadkoodu u yaraado;

3. Fawziya waxey CUQDI ka qabtaa rag badan oo aad iyo aad iyada uga aqoon badan, ugana khibrad fiican, iney Wasiirad u noqoto. Maalin kasta BOQOL khalad ayey gashaa waayo degdeg ayey talaabo walba u qaadeysaa ayadoon ka fiirsan. Markaas ayaa waxaa la soo siinayaa jawaab diploomaasi ah oo micnaheedu yahey WAXBA MA FAHMEYSID ee shaqadu sidaas ma ahan. Haatan waxey rabtaa iney safaaradaha ka buuxiso YES man oo wax kasta oo khalad ah oo ay u qorto ku raaca ee aan sixi-karin.

Dadka Somaliyeed oo ka danqanaya arrimaha Somalia, waxaan ku adkeynayaa iney si fiican u baaraan waxyaabaha aan ka soo qorey Fawziya iyo taariikhdeeda ee aysan lab-la-kac ku dhaqmin.

Qoraalkeygii hore, gabar ayaa waxey soo qortey “Waxaan ahey die-hard Somalilander, waxaana taagyeersanahey Fawziya”. Waxaan qabaa hadey wax yar oo caqli ah ku fakareyso ineysan hadalkaas soo qorteen waayo hadalkaasi uma fiicna Fawziya.

Waxaad iga sugtaanba waa RAAD Organization iyo RAAD TV dhaqaalihii dawladda Ingiriiska looga soo qaadey iyo sida ay ku baxdey lacagtaas; iyo Xisbigii ay Fawziya damacdey iney Somaliland ka sameyso iyo meesha uu ku danbeeyey iyo sababaha ay hadda Xamar ku timid. Stay tuned for more alarming news!!!

Ahmed Warsame

LONDON

United Kingdom